Bib la: Pi Gwo Richès ak Gid pou Devlopman Ayiti

Prensip Lòd ak Disiplin pou yon Sosyete ki Fò

Pwovèb 29:18 - "Lè pèp la pa gen vizyon, li peri; men lè li swiv lalwa, li beni."

Ayiti bezwen vizyon ak prensip lòd. Yon peyi ki pa gen règ ak disiplin ap toujou viv nan dezòd. Si nou suiv prensip Bib la sou jistis ak bon konduit, nou ka elimine koripsyon, ranfòse lalwa, epi konstwi yon nasyon ki fonksyone sou entegrite.

Izrayèl te soti nan esklavaj, men yo te mete lalwa Moyiz yo an aplikasyon. Jodi a, Izrayèl se youn nan peyi ki pi avanse malgre yo pa gen anpil resous natirèl.

Travay Di ak Responsablite pou Pwosperite Materyèl

Pwovèb 10:4 - "Moun ki manke dilijans ap vin pòv, men men moun ki travay di ap mennen l 'rive richès."

Nou dwe sispann panse ke lòt peyi dwe ban nou tout bagay. Travay di, responsablite ak bon jesyon resous nou yo ap mennen nou nan pwosperite.

Japon, apre Dezyèm Gè Mondyal, te kraze nèt. Men, paske pèp la te disipline, yo te travay san pran souf epi jodi a yo tounen youn nan pi gwo pouvwa ekonomik mondyal yo.

Edikasyon ak Konesans pou Nou Avanse

Oze 4:6 - "Pèp mwen peri paske li pa gen konesans."

Bib la ankouraje rechèch ak aprantisaj. Se pa etranje ki dwe mete lekòl pou nou. Nou menm Ayisyen, nou dwe mete edikasyon ak devlopman pèsonèl nan kè estrateji nou pou Ayiti avanse.

Peyi ki mete fòmasyon ak edikasyon kòm priyorite toujou avanse. Kore di Sid te mete yon gwo aksan sou edikasyon epi yo pase soti nan povrete pou vin yon gwo nasyon teknolojik.

Kominyon ak Lanmou pou Ini Pèp la

Jan 13:34 - "Mwen ban nou yon nouvo kòmandman: Renmen youn lòt menm jan mwen te renmen nou."

Divizyon ap detwi nasyon. Lè yon pèp ini, li ka akonpli bèl bagay. Ayiti bezwen plis inite epi mwens jalouzi ak lènmi.

Lè pèp Afriken-Ameriken yo te mete tèt ansanm pou dwa sivil yo, yo te reyalize chanjman istorik. Si nou mete fòs ansanm pou bati Ayiti olye de detwi youn lòt, nou ka kreye chanjman reyèl.

Jistis ak Bon Gouvènans pou Yon Peyi ki Fò

Pwovèb 14:34 - "Jistis mete yon nasyon kanpe, men peche se wont pou pèp la."

Yon peyi ki fonde sou jistis ap pwospere. Si nou vle wè Ayiti tounen yon gwo nasyon, nou dwe elimine koripsyon, chwazi bon lidè epi egzije jistis pou tout moun.

Singapore te yon ti zile pòv, men yo te mete prensip jistis ak bon gouvènans nan pratik, epi jodi a yo se youn nan pi gwo sant finansye nan mond lan.

Devlòpman Agrikilti ak Pwoteksyon Resous Natirèl

Jenèz 2:15 - "Seyè a pran nonm lan, li mete l' nan jaden Edenn lan pou l' travay li, pou l' pran swen li."

Ayiti gen tè, men nou pa eksplwate li byen. Nou dwe mete prensip Bib la an aplikasyon pou nou devlope agrikilti epi pwoteje anviwònman an.

Peyi tankou Oland ak Izrayèl itilize agrikilti modèn epi yo vin ekspòtatè mondyal.

Onètete ak Entègrite nan Biznis ak Komès

Pwovèb 11:1 - "Seyè a rayi moun ki sèvi ak move balans, men li renmen moun ki sèvi ak balans ki dwat."

Nou dwe onèt nan biznis pou bati konfyans ak kwasans ekonomik.

Peyi ki gen transparans tankou Kanada ak Almay gen pi bon ekonomi.

Sante ak Swen pou Kominote a

3 Jan 1:2 - "Mwen swete ou an sante epi ou pwospere nan tout bagay, menm jan ak nanm ou."

Yon nasyon ki pa gen sante pap avanse. Nou dwe envesti nan swen sante ak ijyèn.

Kiba devlope yon bon sistèm sante ki sèvi pèp li malgre li pa gen gwo resous.

Jesyon Finans ak Ekonomi

Lik 14:28 - "Kilès nan nou ki vle bati yon gwo kay ki pa chita kalkile konbyen sa ap koute?"

Ayiti bezwen yon bon plan finansye, pa gaspiyaj ak move jesyon.

Peyi ki byen jere bidjè yo toujou fè pwogrè.

Fè Mizèrikòd pou Ede Pèp la

Pwovèb 19:17 - "Lè ou ede yon pòv, se Seyè a ou prete, li va renmèt ou."

Nou dwe soutni moun ki nan bezwen pandan n'ap bati ekonomi nou.

Peyi ki fè sosyal jere pi byen kriz sosyal yo.